რუსეთმა მოკლული პოლიტიკოსის, ბორის ნემცოვის შვილს, ჟანა ნემცოვას მოსკოვში დაუსწრებლად ასამართლებენ.

მას ბრალი ბორის ნემცოვის თავისუფლებისთვის ფონდის ხელმძღვანელობაში ედება, რომელიც რუსეთში „არასასურველად“ არის მიჩნეული, - იუწყება Mediazona.

გამომძიებლებმა მტკიცებულებად გამოიყენეს ნემცოვას ბუდვაში გამოსვლის ჩანაწერი, სადაც ის ფონდში საკუთარ როლზე საუბრობდა.

ნემცოვას ადვოკატმა განაცხადა, რომ მისი კლიენტი დანაშაულს არ აღიარებს.

17 სექტემბერს გამოცხადდა, რომ ჟანა ნემცოვა „არასასურველი“ ორგანიზაციის საქმიანობის ორგანიზებისთვის საერთაშორისო ძებნილ სიაში იყო გამოცხადებული. ფონდი, რომლისთვისაც ნემცოვს ასამართლებენ, მხარს უჭერს დამოუკიდებელ ჟურნალისტიკას და უზრუნველყოფს სტიპენდიებს ჟურნალისტებისთვის, აქტივისტებისთვის და ადამიანის უფლებათა დამცველებისთვის. 2024 წლის აპრილში იუსტიციის სამინისტრომ ის „არასასურველი“ ორგანიზაციების რეესტრში დაამატა.

2 ოქტომბერს იუსტიციის სამინისტრომ ჟანა ნემცოვა „უცხოელი აგენტების“ სიაში შეიყვანა „სპეციალური სამხედრო ოპერაციისადმი წინააღმდეგობის“ და, სააგენტოს ცნობით, „რუსეთის ფედერაციის საჯარო ხელისუფლების მიერ მიღებული გადაწყვეტილებებისა და მათ მიერ გატარებული პოლიტიკის შესახებ ცრუ ინფორმაციის“ გავრცელების გამო.