რუსმა საოკუპაციო ძალებმა იერიში ხარკოვის ოლქში მდებარე ქალაქ იზიუმზე მიიტანეს - სარაკეტო თავდასხმის შედეგად 12 ადამიანი დაშავდა. 

ხარკოვის საოლქო-სამხედრო ადმინისტრაციის ხელმძღვანელის, ოლეგ სინეგუბოვის ცნობით,  თავდასხმის შედეგად საცხოვრებელი სახლები დაზიანდა.

27 აგვისტოს, დაახლოებით 22:00-ზე, ოკუპანტებმა ქალაქ იზიუმს დაარტყეს. წინასწარი მონაცემებით, მათ ზალპური ცეცხლის რეაქტიული სისტემა „ტორნადო“ გამოიყენეს“, - განაცხადა ოლეგ სინეგუბოვმა.