გასული 24 საათის განმავლობაში კურსკის ოლქიდან 248 ადამიანის ევაკუაცია განხორციელდა.

ინფორმაციას TASS რუსეთის საგანგებო სიტუაციების სამინისტროს პრესსამსახურზე დაყრდნობით ავრცელებს. 

გასული დღე-ღამის განმავლობაში, კურსკის რეგიონის ხუთ რაიონში მოსახლეობის ევაკუაციის ღონისძიებები გატარდა. დღის განმავლობაში 248 ადამიანი, დამოუკიდებლად, თუ ადგილობრივი ხელისუფლების ორგანიზებით, სასაზღვრო ტერიტორიებიდან უსაფრთხო ზონებში გაემგზავრა“, - ნათქვამია ინფორმაციაში.

შეგახსენებთ, რომ უკრაინა რუსეთის კურსკის ოლქში სამხედრო ოპერაციას 6 აგვისტოს შემდეგ აწარმოებს.