ინგლისის არხში მიგრანტებით სავსე ნავი ჩაიძირა - დაღუპულია 12 ადამიანი
ინგლისის არხში მიგრანტებით სავსე ნავი ჩაიძირა, რა დროსაც 12 ადამიანი, მათ შორის 6 ბავშვი და ორსული ქალი დაიღუპნენ.
ნავი, რომელსაც ათეულობით მიგრანტი გადაჰყავდა, საფრანგეთის სანაპიროსთან ჩაიძირა.
ადგილობრივი პროკურატურის ინფორმაციით, დაღუპულთაგან 10 ქალი იყო, ორი კი მამაკაცი.
საფრანგეთის სანაპირო დაცვა იტყობინება, რომ 50-ზე მეტი ადამიანი გადაარჩინეს.
