ღაზის სექტორში ცეცხლის შეწყვეტის შესახებ გაეროს უშიშროების საბჭოს რეზოლუციას აშშ-მა ვეტო დაადო - ამის შესახებ ინფორმაციას Reuters ავრცელებს. 

მედიის ცნობით, 15 წევრისგან შემდგარმა საბჭომ კენჭი უყარა რეზოლუციას, რომელიც მოითხოვდა ღაზის სექტორში დაუყოვნებლივ, უპირობო და მუდმივ ცეცხლის შეწყვეტას, ხოლო ცალკე რეზოლუცია ეხებოდა მძევლების გათავისუფლებას. რეზოლუციის წინააღმდეგ მხოლოდ შეერთებული შტატები იყო, რომელმაც, როგორც საბჭოს მუდმივმა წევრმა, ვეტოს უფლება გამოიყენა.