ამერიკა უკრაინას დამატებით 275 მილიონი დოლარის სამხედრო დახმარებას გადასცემს - ამის შესახებ 20 ნოემბერს სახელმწიფო მდივანმა ენტონი ბლინკენმა და თავდაცვის მინისტრმა ლოიდ ოსტინმა  განაცხადა.

ამავე განცხადების თანახმად, შტატებიდან უკრაინაში გაიგზავნება HIMARS-ის სისტემისთვის საჭირო საბრძოლო მასალები, საარტილერიო ჭურვები, დრონები და ტანკ-საწინააღმდეგო რაკეტები.

• სამხედრო დახმარების ახალ პაკეტშია მაღალი მობილობის საარტილერიო სარაკეტო სისტემა HIMARS-ის საბრძოლო მასალები, 155 და 105-მილიმეტრიანი საარტილერიო ჭურვები, F-16 ტიპის გამანადგურებლებისთვის საჭირო ელექტრომოწყობილობები, საბრძოლო მასალები ტანკსაწინააღმდეგო სისტემებისთვის TOW, ტანკსაწინააღმდეგო სისტემები Javelin და AT-4, უპილოტო საფრენი აპარატები და სხვა საბრძოლო საშუალებები.

ეს ყველაფერი არ არის, ჯო ბაიდენის ადმინისტრაცია დონალდ ტრამპის ინაუგურაციამდე აპირებს დახარჯოს უკრაინისთვის სამხედრო დახმარების გასაწევად უკვე გამოყოფილი შვიდ მილიარდ დოლარზე მეტი.