რუსული მედია: ასადი ოჯახთან ერთად მოსკოვში ჩამოვიდა
რუსული სამთავრობო-პროპაგანდისტული მედიის ცნობით, ბაშარ ალ-ასადი ოჯახთან ერთად მოსკოვში ჩავიდა.
"ასადი ოჯახის წევრებთან ერთად მოსკოვში ჩამოვიდა. რუსეთმა, ჰუმანიტარული მიზეზებიდან გამომდინარე, მას თავშესაფარი მიანიჭა." - ციტირებს ТАСС წყაროს.
სირიის არმიის სარდლობამ ოფიცრებს პრეზიდენტ ბაშარ ალ-ასადის რეჟიმის დაცემის შესახებ აცნობა. ამის შესახებ Reuters-ი სირიელ ოფიცერზე დაყრდნობით იტყობინება.
მისი თქმით, ასადმა დამასკო დატოვა და გაურკვეველი მიმართულებით წავიდა. აჯანყებულები აცხადებენ, რომ ისინი დედაქალაქში ჯარის წინააღმდეგობის გარეშე შევიდნენ.
