უკრაინამ უნდა მიიღოს უსაფრთხოების რეალური გარანტიები დასავლეთისგან, წინააღმდეგ შემთხვევაში ომი პუტინის "ტრიუმფით" დასრულდება. ამის შესახებ ბრიტანეთის ყოფილი პრემიერ-მინისტრი ბორის ჯონსონი Daily Mail-ის თავის რუბრიკაში წერს.

ჯონსონი ხაზს უსვამს, რომ ახლა არის ზუსტად ის მომენტი, როდესაც დასავლეთმა უნდა "შეაძრწუნოს პუტინი თავისი გადაწყვეტილების ძალით" და ეს არის აშშ-ის ახალი პრეზიდენტი დონალდ ტრამპი, რომელსაც შეუძლია ამის გაკეთება.

მას აქვს ზუსტად ის გამბედაობა, რომელიც საჭიროა ახლა, ამ კრიტიკულ მომენტში, რათა წინ აღუდგეს პუტინს, - ამბობს ბრიტანეთის ყოფილი პრემიერი.

ამასთან, ის ხაზს უსვამს, რომ ომს ტერიტორიული კომპრომისები არ შეაჩერებს. მისი თქმით, კითხვა ეხება არა მიწას, არამედ უკრაინის მომავალს - იქნება ის დასავლეთის ნაწილი თუ კვლავ კრემლის კონტროლის ქვეშ მოხვდება. 

თუ ჩვენ არ გადავწყვეტთ უკრაინის ბედს, როგორც დასავლეთის ნაწილის, რომელიც დასავლეთის უსაფრთხოების გარანტიებით იქნება დაცული, პუტინი ტრიუმფი გარანტირებული იქნება. ის შეინარჩუნებს იმას, რაც აქვს და გამოიყენებს თავის პოზიციას დესტაბილიზაციისთვის და უკრაინაზე თავდასხმისთვის ნებისმიერი საჭირო საშუალებით, სანამ კიევის მთავრობა არ დაინგრევა, სამოქალაქო ომი არ დაიწყება და მთელი ქვეყანა თავის ორბიტაზე დაბრუნდება, - განაცხადა ჯონსონმა.