მედია: უკრაინელმა სამხედროებმა 33 რუსული დრონი ჩამოაგდეს
14 თებერვლის ღამეს, რუსეთმა უკრაინის ოლქებზე 70 უპილოტო საფრენი აპარატით იერიში მიიტანა - ამის შესახებ ინფორმაციას ადგილობრივი მედია ავრცელებს.
უკრაინის საჰაერო თავდაცვის ძალების ცნობით, განადგურებულია 33 დრონი და დაკარგულია 37 უპილოტო საფრენი აპარატი.
რუსეთმა დრონები ორელის, მილეროვოს, პრიმორსკო-ახტარსკის ოლქებიდან, ასევე ოკუპირებული ყირიმიდან ააფრინეს.
საჰაერო იერიშის მოგერიებაში რადიო ელექტრო ბრძოლის ქვედანაყოფები, უკრაინის შეიარაღებული და საჰაერო ძალების მობილური ცეცხლის ჯგუფები მონაწილეობდნენ.
რუსეთი უკრაინის ტერიტორიას ავიაციითა და არტილერიით ყოველდღიურად ბომბავს.
