პატარა მჩაგვრელები დიდი ტიტულებით - ასე აფასებს სენატორი კორი ბუკერი ოვალურ კაბინეტში ტრამპის და ვენსის გაკეთებულ განცხადებებს. სენატორი სოციალურ ქსელში წერს, რომ ტრამპა და ვენსმა საკუთარი წოდებები შეარცხვინეს და აჩვენეს, რამდენად პატარა ადამიანები არიან. მისი თქმით, ამერიკის მთავარი ძალა სუსტებზე დომინირება და ნაცემის და ნაბრძოლის დაკნინება არი არის. 

ბუკერი პირდაპირ ამბობს, რომ ტრამპი უფრო პუტინის მსგავსად მოიქცა, ვიდრე ამერიკის პრეზიდენტი. 

ჩვენ ამერიკელები ვართ. ჩვენ ვართ ყველაზე ძლიერი ერი პლანეტაზე. ის, რაც ჩვენ განგვსაზღვრავს, არ არის ჩვენი ძალის სუსტებზე დომინირება. ის, რაც ჩვენს ხასიათს ავლენს, არ არის ჩვენი უნარი, მოვახდინოთ დაზარალებულის ტრავმა. ის, რაც ჩვენს სიმართლეს მეტყველებს, არ არის ის, თუ როგორ დავცინით, ვამცირებთ, ან ვაკნინებთ ნაბრძოლს, გატეხილს ან ნაცემს.

ჩვენ ვართ: მარშალის გეგმის ქვეყანა; ბერლინის საჰაერო ხომალდის ერი; ერი, რომლის ლიდერმა თქვა: "ბატონო გორბაჩოვ, დაანგრიე ეს კედელი".

ჩვენ საუკეთესო მდგომარეობაში ვართ, როცა მტკიცენი ვართ ბოროტების წინააღმდეგ და არა მაშინ, როცა ვეპირფერებით მათ, ვინც ამას ჩადის.

ჩვენ ვამბობთ ჩვენს სიმართლეს, როდესაც ვიცავთ სუსტებს და არა მაშინ, როდესაც დაცვისთვის მათგან ანაზღაურებას ვითხოვთ.

ჩვენ ვართ ამერიკა, როდესაც ჩვენი ლიდერები დიქტატორებს უწოდებენ დიქტატორებს და მათ, ვინც იბრძვიან ტირანისგან დემოკრატიის დასაცავად: გმირებს.

დონალდ ტრამპმა და ჯეი დი ვენსმა არ გამოავლინეს ძალა - მათ აჩვენეს სისუსტე, აჩვენეს, თუ რამდენად პატარები არიან.

მათ აქვთ მსოფლიოში ყველაზე ძვირფასი ტიტულები: ამერიკის შეერთებული შტატების პრეზიდენტი და ვიცე-პრეზიდენტი, მაგრამ ტიტული არ ქმნის კაცს, ამ ორმა კაცმა კი შეარცხვინა თავიანთი წოდებები.

მათ წინ დაღლილი მეომარი იდგა. ტანჯული კაცი, რომელმაც ათასობით მეგობარი და თანამებრძოლი დაკარგა ავტორიტარული ლიდერის უსამართლო და უკანონო აგრესიის გამო.

არ გამოიჩინეს თანაგრძნობა; არც დიდსულოვნება; არანაირი დიპლომატიური სიბრძნე. ისინი იყვნენ პატარა მჩაგვრელები დიდი ტიტულებით და პატივს არ სცემდნენ იმ ერის ისტორიას და მემკვიდრეობას, რომელსაც ისინი მართავენ.

დონალდ ტრამპი უფრო რუსეთის პუტინის მსგავსად მოიქცა, ვიდრე ამერიკის პრეზიდენტის, - წერს სენატორი.