13 აპრილს სუმზე რუსული სარაკეტო თავდასხმის შედეგად განადგურდა შენობა, სადაც მდებარეობდა ადამიანის უფლებათა დაცვის რეგიონული ცენტრი, უკრაინის უმაღლესი რადას ადამიანის უფლებათა კომისრის წარმომადგენლობა. ამის შესახებ ომბუდსმენი დიმიტრი ლუბინეცი იტყობინება.

დასვენების დღე. უკრაინელებისთვის მთავარი რელიგიური დღესასწაულია - ბზობის კვირა. ეს არის დღე, როდესაც უკრაინული ოჯახები ეკლესიაში დადიან და შვილებთან ერთად ქალაქში სეირნობენ. 
და სწორედ ამ დღეს რუსეთმა მორიგი სარაკეტო დარტყმა განახორციელა მშვიდობიან ქალაქზე - მის ცენტრალურ ნაწილში. დარტყმის ეპიცენტრი აღმოჩნდა ადამიანის უფლებათა დაცვის რეგიონული ცენტრი - ჩვენი წარმომადგენლობის შენობას, რომელიც მთლიანად განადგურდა, - წერს ის.

ლუბინეცის თქმით, რუსეთი ტერორის ტაქტიკას განგებ მიმართავს და ამიტომ, მსოფლიოს გაჩუმების უფლება არ აქვს.  

ცოტა ხნის წინ კრივოი როგი. ახლა - სუმი. ეს უკვე უბედური შემთხვევა არ არის. ეს არის რუსეთის ტერორის ტაქტიკა. მსოფლიოს არ აქვს დუმილის უფლება. საუკეთესო რეაქცია არის სასწრაფო მოქმედება!, - აღნიშნა ლუბინეცმა.