უკრაინის პრეზიდენტი, ვოლოდიმირ ზელენსკი მზადყოფნას გამოთქვამს, რომის პაპის დაკრძალვის ცერემონიაზე დასასწრებად, ვატიკანში ვიზიტის ფარგლებში, დონალდ ტრამპს შეხვდეს.

დიახ, მსურს, მზად ვარ. ჩვენ ყოველთვის მზად ვართ შევხვდეთ ჩვენს პარტნიორებს შეერთებული შტატებიდან“, - განუცხადა ზელენსკიმ ჟურნალისტებს, კიევში გამართული პრესკონფერენციის დროს.

მანამდე, უკრაინის პრეზიდენტის ადმინისტრაციამ განაცხადა, რომ ისინი ზელენსკის ვატიკანში ვიზიტს ამზადებენ. 

აღსანიშნავია, რომ დონალდ ტრამპი აშშ-ის პრეზიდენტის რანგში პირველი ვიზიტით ვატიკანში ჩავა და პაპ ფრანცისკეს დაკრძალვას დაესწრება.

რომის პაპის, ფრანცისკეს დაკრძალვა შაბათს, 26 აპრილს არის დაგეგმილი.