გამოცემა Reuters რუსეთ-უკრაინის ომის დასრულების გეგმას აქვეყნებს, რომელიც ოფიციალურმა კიევმა და ევროპელმა ლიდერებმა ამერიკის შეერთებულ შტატებს წარუდგინეს. 

• ოფიციალური ვაშინგტონის წარმომადგენლებს შესაბამისი გეგმა 23 აპრილს, ლონდონში გამართული შეხვედრის დროს გადაეცა.

TVPIRVELI.GE Reuters-ის მიერ გამოქვეყნებული გეგმას უცვლელად გთავაზობთ:

"ცეცხლის შეწყვეტა:

• ცაში, მიწასა და ზღვაზე სრული ცეცხლის შეწყვეტის ვალდებულება;
• ორივე მხარე დაუყოვნებლივ იწყებს მოლაპარაკებებს ტექნიკურ იმპლემენტაციაზე, აშშ-სა და ევროპული ქვეყნების მონაწილეობით. ეს სრული სამშვიდობო შეთანხმების დღის წესრიგისა და პირობების მომზადების პარალელურად ხდება;
• ცეცხლის შეწყვეტის მონიტორინგი, რომელსაც შეერთებული შტატები ხელმძღვანელობს და მხარს უჭერენ მესამე ქვეყნები;
• რუსეთმა უპირობოდ უნდა დააბრუნოს ყველა დეპორტირებული და უკანონოდ გადაადგილებული უკრაინელი ბავშვი. ომის ყველა ტყვის გაცვლა ("ყველა ყველაზე" პრინციპით). რუსეთმა ყველა მშვიდობიანი მოქალაქე გაათავისუფლოს.

უსაფრთხოების გარანტიები უკრაინისთვის:

• უკრაინა უსაფრთხოების მტკიცე გარანტიებს იღებს, მათ შორის შეერთებული შტატებისგან (მე-5 მუხლის მსგავსი შეთანხმება), მაშინ, როდესაც მოკავშირეებს შორის NATO-ში წევრობაზე კონსენსუსი არ არსებობს;
• უკრაინის თავდაცვის ძალებისთვის არანაირი შეზღუდვა არ არსებობს;
• გარანტორი ქვეყნები იქნებიან - ევროპული ქვეყნებისა და სურვილის მქონე არაევროპული ქვეყნების სპეციალური ჯგუფი. უკრაინის ტერიტორიაზე მეგობრული უცხოური ძალების განლაგებაზე, იარაღსა და ოპერაციებზე არავითარი შეზღუდვები არ იქნება;
• უკრაინა აგრძელებს ევროკავშირში გაწევრიანებას.

ტერიტორია:

• ტერიტორიული საკითხები განიხილება და მოგვარდება სრული და უპირობო ცეცხლის შეწყვეტის შემდეგ;
• ტერიტორიული მოლაპარაკებები კონტროლის ხაზის ბაზისიდან იწყება;
• უკრაინა შეერთებული შტატების ჩართულობით ხელახლა იბრუნებს კონტროლს ზაპოროჟიეს ატომურ ელექტროსადგურზე, ასევე კახოვკას კაშხალზე;
• უკრაინა სარგებლობს შეუფერხებელი წვდომით დნიპროს მდინარეზე და კინბურნის ცელზე კონტროლით.

ეკონომიკა:

• შეერთებული შტატები და უკრაინა ეკონომიკური თანამშრომლობის / მინერალების შესახებ შეთანხმებას აღწევენ და ასრულებენ;
• უკრაინა სრულად აღდგება და ფინანსურად კომპენსირდება, მათ შორის რუსეთის სუვერენული აქტივების მეშვეობით, რომლებიც გაყინული დარჩება მანამ, სანამ რუსეთი უკრაინისთვის მიყენებულ ზარალს არ აანაზღაურებს;
• 2014 წლიდან რუსეთის წინააღმდეგ დაწესებული აშშ-ის სანქციები შესაძლოა ეტაპობრივად შემსუბუქდეს მდგრადი მშვიდობის მიღწევის შემდეგ და განახლდეს სამშვიდობო შეთანხმების დარღვევის შემთხვევაში", - წერია Reuters-ის მიერ მოპოვებულ გეგმაში.

ამასთან, Reuters-ი იმ გეგმასაც აქვეყნებს, რომელიც ამერიკის შეერთებული შტატების წარმომადგენლებმა ევროპელ ლიდერებს წარუდგინეს. 

ცეცხლის შეწყვეტა

• მუდმივი ცეცხლის შეწყვეტა  
• ორივე მხარე დაუყოვნებლივ იწყებს ტექნიკურ მოლაპარაკებებს შეთანხმების განხორციელებაზე

უკრაინის უსაფრთხოების გარანტია

• უკრაინა იღებს მტკიცე უსაფრთხოების გარანტიებს
• გარანტორი ქვეყნები იქნებიან ევროპული სახელმწიფოებისა და მსურველი არაევროპული სახელმწიფოების სპეციალური ჯგუფი  
• უკრაინა არ ეცდება NATO-ში გაწევრიანებას
• უკრაინას შესაძლებლობა ექნება ევროკავშირში გაწევრიანება გააგრძელოს

ტერიტორია

• აშშ რუსეთის ყირიმის კონტორლის დე იურე აღიარებას უზრუნველყოფს
• აშშ რუსეთის ლუგანსკის კონტორლის დე ფაქტო აღიარებას უზრუნველყოფს
• აშშ ზაპოროჟიეს, დონეცკისა და ხერსონის რუსეთის მიერ კონტროლირებული ნაწილებს დე ფაქტო აღიარებას უზრუნველყოფს  
• უკრაინა ხარკივის ოლქში ტერიტორიას დაიბრუნებს
• უკრაინა ზაპოროჟიეს ბირთვული ელექტროსადგურის კონტროლს დაიბრუნებს, რომელიც აშშ-ის კონტროლისა და ადმინისტრირების ქვეშ იქნება - ელექტროენერგია მიეწოდება ორივე მხარეს. ასევე უკრაინა დაიბრუნებს კახოვკის კაშხალს 
• უკრაინას ექნება შეუფერხებელი გადაადგილება დნეპროს მდინარეზე და კონტროლი კინბურნის ცელზე (სანაპიროზე)

ეკონომიკა

• შეერთებული შტატები და უკრაინა ეკონომიკური თანამშრომლობის / მინერალების შესახებ შეთანხმებას აღწევენ და ასრულებენ
• უკრაინის სრული აღდგენა და ფინანსური კომპენსაცია იქნება უზრუნველყოფილი  
• რუსეთის წინააღმდეგ 2014 წლიდან დაწესებული სანქციები მოიხსნება  
• აშშ-რუსეთის ეკონომიკური თანამშრომლობა ენერგეტიკასა და სხვა სამრეწველო სფეროებში აღდგება