საქართველოს მესამე პრეზიდენტი მიხეილ სააკაშვილი ბათუმში ყოფნის ამსახველ კიდევ ერთ ვიდეოს ავრცელებს. 

მიხეილ სააკაშვილი ბათუმის ქუჩებში დასეირნობს.

მოგესალმებით ჩემი ბათუმიდან, ჩემი სიამაყიდან. რამდენი რაღაც გაკეთდა ახალი, თუმცა ეს ბულვარი და ეს პროექტები მე უკვე დახაზული მქონდა და ცოტა უკეთესად წარმომედგინა. ხომ ხედავთ, რომ მე გავრისკე ჩემი სიცოცხლეც, თავისუფლებაც და ჩამოვედი აქ მიუხედავად მუქარებისა, ყველანაირის. მინდა გთხოვოთ შემდეგი რამ - 2 ოქტომბერს მივიდეთ არჩევნებზე და ყველამ ხმა მივცეთ „ნაციონალურ მოძრაობას“. არავითარ შემთხვევაში არ მისცეთ ივანიშვილს. მივიდეთ ბევრი, ეს არის გადამწყვეტი არჩევნები საქართველოსთვის, ამას აღიარებს მთელი საერთაშორისო თანამეგობრობა. არ მისცეთ ხმა არც ივანიშვილს, არც გახარიას, რომელიც მე ციხეში მიპირებს გამოკეტვას, არც იმ პატარა პარტიებს, რომლებიც აშკარად ფულს იღებენ ივანიშვილისგან, თუმცა სხვა პარტიებს, რომლებიც გესიმპატიურებათ და რომლებიც მიგაჩნიათ პატიოსნად, მოგიწოდებთ მისცეთ ხმა. მაგრამ პირველ რიგში თბილისში თბილისში ნიკა მელიას და რეგიონებში ენმ-ს წარმომადგენლებს. 

დარწმუნებული ვარ, რომ საქართველოს აქვს უზარმაზარი პოტენციალი. მორჩა ის, რომ ხალხს აგდებენ ქვეყნიდან. 50%-ით გაიზარდა აპლიკანტთა რაოდენობა ევროკავშირში. ეს უნდა დასრულდეს. ამ ყველა ბულვარს, ამ სილამაზეს მე რუსი ტურისტებისთვის კი არ ვაკეთებდი ან თურქებისთვის და ირანელებისთვის, ეს ყველაფერი იყო თქვენთვის, თქვენი წარმატებისთვის და მე არ მინდა, რომ ეს ვინმე სხვას დარჩეს. ძალიან გთხოვთ, იაქტიურეთ! მე ბოლომდე თქვენთან ვარ და ისე კი არა, მორალურად, აგერ ვარ, თქვენთან ვარ, ბათუმში ვარ, ქუთაისში ვარ, თბილისში ვარ, თბილისში ვიქნები თქვენთან ერთად 3-ში და 2-შიც. აბა, თქვენ იცით, ძალიან დიდი იმედი მაქვს თქვენი და წარმატებები,“- განაცხადა სააკაშვილმა.