პარლამენტის თავმჯდომარე, კახა კუჭავა, ამბობს, რომ სააკაშვილის საქართველოში ყოფნის შესახებ ის ინფორმირებული არ იყო.  

კუჭავას თქმით, „ქართული ოცნების“ წევრები გუშინ მთელი დღის განმავლობაში ტყუილს არ ამბობდნენ, ამბობდნენ იმას, რასაც ფიქრობდნენ, რომ სააკაშვილი არ იყო საქართველოში.

ჩვენ გუშინ მოვისმინეთ განცხადება, სადაც იყო ნათქვამი, რომ ისინი აკონტროლებდნენ მთელ მარშრუტს უკრაინიდან და მოხდა მისი დაკავება ისე, რომ ერთი ადამიანი არათუ არ დაშავებულა, არ ესწრებოდა, იმდენად მაღალ დონეზე მოხდა დაკავება. ჩემი თანაგუნდელები არ ამბობდნენ ტყუილს, ამბობდნენ იმას, რასაც ფიქრობდნენ. მეც ვფიქრობდი, რომ სააკაშვილი არ იყო საქართველოში, ვერც დავიჯერებდი.

ჩვენ გვაჩვენეს ვიდეო, მე გავეცი მარტივი პასუხი, რომ არ მჯერა, რომ სააკაშვილი იყო საქართველოში და სიმართლე გითხრათ, ის ვიდეო ნამდვილად მეგონა აწყობილი გრაფიკა“, - განაცხადა კუჭავამ.