თბილისის საქალაქო სასამართლოში „კოალიცია ცვლილებისთვის“ ლიდერის, ზურაბ გირჩი ჯაფარიძის საქმეზე სასამართლო პროცესი მიმდინარეობს.

საქმე წულუკიანის საგამოძიებო კომისიაზე გამოუცხადებლობას ეხება.

საქმეს მოსამართლე ჯვებე ნაჭყებია განიხილავს - დღევანდელ სხდომაზე მხარეები  შესავალი სიტყვით წარსდგებიან. 

სხდომას დიპლომატიური უწყების წარმომადგენლები ესწრებიან. 

ზურაბ გირჩი ჯაფარიძეს აღკვეთის ღონისძიების სახით 20 000-ლარიანი გირაო ჰქონდა შეფარდებული, მას შემდეგ კი რაც პოლიტიკოსმა ჯარიმას "უკანონო" უწოდა და არ გადაიხადა,  ის 22 მაისს, სასამართლოშივე დააკავეს.