"ქართული ოცნება" ოპონენტებს მოკვლით ემუქრება. ამის შესახებ ექსპრემიერის თანაპარტიელები საუბრობენ, მათი ინფორმაციით, პარტია "საქართველოსთვის" წარმომადგენლებს სახელისუფლებო გუნდი და სუს-ი ემუქრება. გიორგი გახარიას პარტიის წევრების თქმით, მათივე პარტიის წარმომადგენელი შიშის გამო საარჩევნო ადმინისტრაციაში საერთოდ არ მივიდა. შემთხვევა ხაშურში მოხდა. 

ექსპრემიერის გუნდის წევრები ყვებიან, რომ მათ თანაპარტიელთან სუს-ის თანამშრომლები გუშინ გვიან ღამით მივიდნენ. მურმან ჩაჩანიძე საგამოძიებო უწყების თანამშღომლებმა ოპერატიულ ავტომობილში ჩაისვეს და გორის მიმართულებით წაიყვანეს. გზად სუს-ის თანამშრომლები ექსპრემიერის თანაგუნდელს აშინებდნენ და სიცოცხლის მოსპობით ემუქრებოდნენ. ისინი ჩაჩანიძისგან გახარიას პარტიის დატოვებას და "ქართული ოცნების" რიგებში გაერთიანებას მოითოხვდნენ.

ჩაჩანიძის თქმით, სუს-ის ხუთივე წარმომადგენელი შეიარაღებული იყო. 

იქნებოდა ღამის 12-ის ნახევარი. მოვიდნენ, საქმე გვაქვსო. აქ ვილაპარაკოთ - თქო, მე ვუთხარი. არაო, გარეთო. დაბურული მანქანით იყვნენ. მითხრეს, რომ "ქართულ ოცნებაზე" უნდა იმუშავოო. მე ვუთხარი, "ქართული ოცნებისთვის" არასდროს მიღალატია, თქვენ როგორ გიღალატებთ-მეთქი? კარგიო, - ამბობს ჩაჩანიძე.