საქართველოს მესამე პრეზიდენტი, მიხეილ სააკაშვილი  რუსთავის ციხეში შიმშილობას აგრძელებს. ამის შესახებ "ნაციონალური მოძრაობის" დეპუტატმა თინა ბოკუჩავამ განაცხადა. ბოკუჩავამ სააკაშვილი რუსთავის ციხეში მოინახულა. 

მე ძალიან ვეცადე ჩემი მოკრძალებული აზრი მისთვის მომეხსენებინა, რომ შიმშილობა არ არის მიზანშეწონილი, მიუხედავად იმისა, რომ აბსოლიტურად მესმის, რომ ის თავს თვლის პოლიტიკურ პატიმრად და ის არის პოლიტიკური პატიმარი და ეს მსჯავრი არის მხოლოდ პოლიტიკური მოტივით წარდგენილი მის მიმართ, თუმცა მისი გადაწყვეტილებაა, რომ მან გააგრძელოს შიმშილობა", - ამბობს თინა ბოკუჩავა. 

შეგახსენებთ, რომ მიხეილ სააკაშვილი თბილისში გუშინ დააკავეს. სააკაშვილმა შიმშილობა გამოაცხადა.