ირაკლი კობახიძე ამტკიცებს, რომ ოპოზიციის ლიდერები ციხეში არა "ქართულმა ოცნებამ", არამედ კონკრეტულმა უცხოელმა სუბიექტებმა გაუშვეს. "ქართული ოცნების" პრემიერი ამტკიცებდა, რომ პასუხისმგებლობა 7 ოპოზიციონერი ლიდერის ციხეში ყოფნაზე სწორედ ამ ადამიანებს ეკისრებათ.

როდესაც საუბარია, უცხოელებზე, რომლებიც ახალისებდნენ პარლამენტის ლეგიტიმაციის არაღიარებას რადიკალური ოპოზიციის მხრიდან.  მათ თავად უნდა იგრძნონ პასუხისმგებლობა იმ ყველაფერზე, რაც ხდება - რეალურად, ისინი არისნ ის სუბიექტები, რომლებმაც გამოიყვანეს რადიკალური ოპოზიცია პარლამენტიდან და შეიყვანეს ციხეში, ეს ჩვენ არ გაგვიკეთებია, ეს გააკეთეს სწორედ რადიკალური ოპოზიციის პატრონებმა: გამოიყვანეს რადიკალური ოპოზიცია პარლამენტიდან და შეიყვანეს ისინი ციხეებში. რატომ? - იმიტომ რომ ისინი მიზანმიმართულად ჩართეს რევოლუციურ პროცესებში. ისინი არიან აგენტები, ისინი ესმსახურებიან არა საკუთარ ქვეყანას, არამედ შესაბამის უცხოელ სუბიექტს"- თქვა კობახიძემ.

ცნობისთვის, 24 ივნისს „სტრატეგია აღმაშენებლის“ ლიდერს, გიორგი ვაშაძეს წულუკიანის კომისიაზე არ გამოცხადებსი გამო სასამართლომ 7 თვით თავისუფლების აღკვეთა მიესაჯა - ამასთან, აეკრძალა თანამდებობის დაკავება 2 წლის ვადით. 

ამავე ბრალდებით, 23 ივნისს დააკავეს "ძლიერი საქართველოს" ორი ლიდერი - მამუკა ხაზარაძე და ბადრი ჯაფარიძე. მათ სასამართლომ 8-8 თვიანი პატიმრობა შეუფარდა და აუკრძალა თანამდებობის დაკავება 2 წლის ვადით.

ასევე, 23 ივნისს, სასამართლომ 8-თვიანი პატიმრობა მიუსაჯა "კოალიცია ცვლილებისთვის" ერთ-ერთ ლიდერს ზურაბ გირჩი ჯაფარიძეს, მასაც აეკრძალა 2 წლის ვადით თანამდებობის დაკავება. 

ციხეში სხედან "კოალიცია ცვლილებებისთვის" ლიდერები, ნიკა გვარამია და ნიკა მელია. პატიმრობაშია თავდაცვის ყოფილი მინისტრი, ირაკლი ოქრუაშვილი.