ევროკავშირი და სომხეთი ერთმანეთთან ასე ახლოს არასდროს ყოფილან - ამ გზავნილით ევროკავშირის უმაღლესი წარმომადგენელი ერევანში ოფიციალური ვიზიტით იმყოფება. კაია კალასი სომხეთში კონკრეტული წინადადებებით ჩავიდა - ევროპის პოლიტიკური გაერთიანება ოფიციალურ ერევანთან თავდაცვის და უსაფრთხოების სფეროში თანამშრომლობას აღრმავებს და სამომავლოდ კიდევ უფრო მჭიდრო პარტნიორობისთვისაა მზად.

ბოლო ორი თვის განმავლობაში, ევროკავშირის პირველი დიპლომატი ჩვენს რეგიონში უკვე მეორედ იმყოფება. ჯერ აზერბაიჯანში ჩავიდა, ახლა სომხეთს სტუმრობს.

სად გაქრა საქართველო, რომელიც რეფორმებითა და დემოკრატიის ხარისხით რეგიონში ერთდროს ლიდერი ქვეყანა იყო? - ვრცლად ნახეთ თათია წოწონავას რეპორტაჟში.