ირაკლი ოქრუაშვილი განაჩენის მოლოდინში - სავარაუდოდ, დღეს გახდება ცნობილი რა ვერდიქტს გამოუტანს მოსამართლე თავდაცვის ექს მინისტრს  წულუკიანის კომისიაზე არ მისვლის გამო.  დასკვნითი პროცესი საქალაქო სასამართლოში 14:00 საათზეა ჩანიშნული. ოქრუაშვილი უკვე რამდენიმე კვირაა რუსთავის ციხეში წინასწარ პატიმრობაშია. 

შეგახსენებთ, ამავე საქმეზე 8-თვიანი პატიმრობა აქვს მისჯილი "ძლიერი საქართველოს" ლიდერებს, მამუკა ხაზარაძეს, ბადრი ჯაფარიძეს, ასევე  "ცვლილებისთვის" ლიდერებს ნიკა მელიას და ნიკა გვარამიას.

ასევე, წულუკიანის კომისიაზე არგამოცხადების გამო 7-თვიანი პატიმრობა მიუსაჯეს "კოალიცია ცვლილებებისთვის" ლიდერს, ზურა ჯაფარიძეს და პოლიტიკოსს გივი თარგამაძეს.