ბრიტანეთის საგარეო საქმეთა მინისტრი სტივენ დაუთი აცხადებს, რომ "ოცნების" მთავრობის მიერ მიღებული რეპრესიული კანონმდებლობა, რომელიც ზღუდავს სამოქალაქო საზოგადოების, ოპოზიციისა და მედიის ხმას, საქართველოს დემოკრატიულ განვითარებას სერიოზულ საფრთხეს უქმნის. 

დაუთის თქმით, 5 მაისს მმართველი პარტიის მაღალი რანგის წარმომადგენლებთან გამართულ შეხვედრაზე მან მკაფიოდ გამოხატა შეშფოთება შეკრების თავისუფლების შეზღუდვისა და თვითნებური დაპატიმრებების ფაქტებზე, ასევე იმ მზარდი ანტიდასავლური რიტორიკის შესახებ, რომელიც ქვეყნის დასავლურ კურსს ეწინააღმდეგება.

მისივე თქმით, 18 ივნისს იგივე საკითხებზე ისაუბრა საქართველოს მეხუთე პრეზიდენტთან, სალომე ზურაბიშვილთან და მხარდაჭერა გამოუცხადა მის საქმიანობას, რომელიც მიზნად ისახავს დემოკრატიის დაცვას საქართველოში.

„თავისუფალი და სამართლიანი მედია სასიცოცხლოდ მნიშვნელოვანია ნებისმიერი თანამედროვე ევროპული სახელმწიფოსთვის,“ — აღნიშნა დაუთმა.

 5 მაისს „ქართული ოცნების“ მაღალი რანგის წარმომადგენლებთან გამოვთქვი ჩემი ფართომასშტაბიანი შეშფოთება სამოქალაქო საზოგადოების, მედიისა და ოპოზიციის მიმართ ბოლო დროს მიღებული რეპრესიული კანონმდებლობის, შეკრების თავისუფლების შეზღუდვისა და თვითნებური დაპატიმრებების, ასევე მზარდი ანტიდასავლური რიტორიკის შესახებ. 18 ივნისს, საქართველოს მე-5 პრეზიდენტ ზურაბიშვილთან განვიხილე ჩემი შეშფოთება „ქართული ოცნების“ მიერ სამოქალაქო საზოგადოების, მედიისა და ოპოზიციის ხმის შეზღუდვის შესახებ რეპრესიული კანონმდებლობის შესახებ და გამოვხატე ჩემი მხარდაჭერა მისი საქმიანობის მიმართ საქართველოში დემოკრატიის მხარდასაჭერად. თავისუფალი და სამართლიანი მედია ნებისმიერი თანამედროვე ევროპული სახელმწიფოსთვის სასიცოცხლოდ მნიშვნელოვანია, - ამბობს დაუთი მაკლერის კითხვის საპასუხოდ, რომელიც დაინტერესდა, რა განცხადებები გააკეთა მან ბოლო დროს თავის ქართველ კოლეგასთან ადამიანის უფლებებთან და საქართველოში მედიის დამოუკიდებლობასთან დაკავშირებით.