ღარიბაშვილს თანამდებობიდან წასვლა რომც უნდოდეს, არ უნდა გავუშვათ - ვოლსკი
"ქართული ოცნების" ერთ-ერთი ლიდერი, პარლამენტის პირველი ვიცე-სპიკერი, გია ვოლსკი, საქართველოს პრემიერ-მინისტრის შესაძლო გადაყენებასთან დაკავშირებით "ტვ პირველის" მიერ გავრცელებულ ინფორმაციას ეხმიანება და ამბობს, რომ ღარიბაშვილს წასვლა რომც უნდოდეს, "არ უნდა გაუშვან":
ირაკლი ღარიბაშვილს თანამდებობიდან წასვლის არანაირი საფუძველი არა აქვს, რომც უნდოდეს, არ უნდა გავუშვათ - უთხრა ჟურნალისტებს დეპუტატმა.
მისი თქმით, ირაკლი ღარიბაშვილი ეფექტური პრემიერია.
მის სახელთან ბევრი რამ არის დაკავშირებული - თუნდაც ჯარის დახვეწის გზაზე მიღწეული თვალსაჩინო შედეგები. როგორც პრემიერმა, ქვეყნის ურთულეს პერიოდში სამშვიდობოზე გაყვანა უზრუნველყო", - განაცხადა გია ვოლსკიმ.
"პირველების" ინფორმაციით, ღარიბაშვილი სახლში მეორე ტურის შემდეგ წავა. პარტია რეგიონებში მარცხზე პასუხისმგებლობას სწორედ მას აკისრებს.
