ლუკა კურტანიძე სასამართლოში მიიყვანეს - რა თქვა ქალზე ძალადობაში ბრალდებულმა
„ქართული ოცნების“ ყოფილი დეპუტატი მოჭიდავე , ლუკა კურტანიძე ბათუმის საქალაქო სასამართლოში მიიყვანეს.
ბრალდებულმა "ტვ პირველის" შეკითხვებს არ უპასუხა.
კითხვაზე რატომ გაუსწორდა ყოფილ ცოლს ან რა "პროვოკაციაზე" საუბრიბს, დაკავებულმა ერთადერთი სიტყვა თქვა: " გიხარიათ?".
ცნობილია, რომ ადვოკატი, ივანე მეფარიშვილი სასამართლოს კურტანიძის აღკვეთის ღონისძიების გარეშე დატოვების შუამდგომლობით მიმართავს.
იმ შემთხვევაში თუ ეს შუამდგომლობა არ დაკმაყოფილდა, ალტერნატივის სახით ის სასამართლოს 50 000-ლარიანი გირაოს გამოყენებას შესთავაზებს.
დღევანდელ სხდომაზე დაკავებული ყოფილი დეპუტატის მიმართ აღკვეთის ღონისძიების შეფარდებაზე იმსჯელებენ.
პროკურატურა კურტანიძისთვის ყველაზე მკაცრი აღკვეთის ღონისძიების, პატიმრობის გამოყენებას მოითხოვს.
