ფრანგი ფოტოგრაფი, ჰიშამ ელ ბოუჰმიდი, რომელიც საქართველოში მიმდინარე აქციებს აქტიურად აშუქებს, ქვეყანაში არ შემოუშვეს | ინფორმაციას პუბლიკა ავრცელებს. 

გამოცემის ცნობით, სხვა შემთხვევების მსგავსად, მესაზღვრეებმა უარის მიზეზად „საქართველოს კანონმდებლობით გათვალისწინებული სხვა შემთხვევები“ დაუსახელეს.

ჰიშამ ელ ბოუჰმიდი თბილისში დაფუძნებული დამოუკიდებელი ფოტოგრაფია. 

 შსს-მ ბოლო თვეებში გაურკვეველი მიზეზით ქვეყანაში არ შემოუშვა 5-ზე მეტი ევროპელი ჟურნალისტი. ასევე გახშირდა შემთხვევები, როდესაც ევროკავშირის მოქალაქეებს, მათ შორის ბინადრობის უფლების მქონეებს, საქართველოს საზღვარზე არ უშვებენ - თუმცა ივლისში საქართველოში შემოუშვეს რუსეთის მთავრობის მფლობელობაში არსებული არხის „რასია 24-ის“ გადამღები ჯგუფი.