საქართველოს მესამე პრეზიდენტი მიხეილ სააკაშვილი საერთაშორისო თანამეგობრობას მიმართავს - სააკაშვილი ღია წერილში აღნიშნავს, რომ მიუხედავად უკვე 9-დღიანი პატიმრობისა, მისი სასამართლო პროცესი ამ დრომდე არ დანიშნულა, მოსამართლე კი სხდომის ჩატარებას კიდევ რამოდენიმე კვირის განმავლობაში არ აპირებს.

პატიმარი პრეზიდენტი აღნიშნავს, რომ თვითმმართველობის არჩევნების მეორე ტურამდე მას საჯაროდ გამოსვლის საშუალებას არ აძელევენ.

1 ოქტომბერს დამაპატიმრეს და ციხეში ჩამსვეს.

დაპატიმრება ემყარებოდა ორ განაჩენს, რომელსაც მსოფლიოში არავინ ცნობს და აგრეთვე დაკავების ორდერს ორ განსახილველ საქმეზე.

საქართველოს კანონის თანახმად, მიმდინარე საქმის საფუძველზე ნებისმიერი დაკავებული პირი დაუყოვნებლივ უნდა წარედგინოს სასამართლოს.

9 დღეა არ ჩაუნიშნავთ სასამართლო სხდომა და ჩემს ადვოკატს მოსამართლემ ახლახანს განუცხადა, რომ სასამართლო მოსმენა არ იქნება რამოდენიმე კვირის განმავლობაში.

ეს არის აშკარა მცდელობა რომ არ დაუშვან ჩემი საჯაროდ გამოსვლა არჩევნების მეორე ტურის დაწყებამდე, სადაც თითქმის ყველა დიდ ქალაქში ჩემი პარტიის შედეგები თანაბარია ივანიშვილის პარტიის შედეგებთან.

ვიმედოვნებ, რომ თქვენ თვალს მიღმა არ აღმოჩნდება ეს არაკანონიერი ტყვეობის საქმე", - ნათქვამია მესამე პრეზიდენტის მიმართვაში.