ცაჰკნა: საქართველოს წინააღმდეგ ომის დაწყებით, რუსეთმა ნათლად აჩვენა თავისი აგრესიულობა და სურვილი, რომ იმპერიულ წარსულს ჩაეჭიდოს
ესტონეთის საგარეო საქმეთა მინისტრი, მარგუს ცაჰკნა რუსეთის მიერ საქართველოს წინააღმდეგ განხორციელებული აგრესიის 17 წლისთავთან დაკავშირებით განცხადებას ავრცელებს და წერს, რომ “ესტონეთი საქართველოს სუვერენიტეტისა და ტერიტორიული მთლიანობის მიმართ სრულ მხარდაჭერას კიდევ ერთხელ ადასტურებს“
ცაჰკნა ხაზს უსვამს იმას, რომ ესტონეთი არასდროს დაივიწყებს და აღიარებს საქართველოს ტერიტორიაზე მიმდიანრე ოკუპაციას.
ამ დღეს, 17 წლის წინ, საქართველოს წინააღმდეგ ომის დაწყებით, რუსეთმა ნათლად აჩვენა თავისი აგრესიულობა და სურვილი, რომ თავის იმპერიულ წარსულს ჩაეჭიდოს. დღეს ესტონეთი საქართველოს სუვერენიტეტისა და ტერიტორიული მთლიანობის მიმართ სრულ მხარდაჭერას კიდევ ერთხელ ადასტურებს. ჩვენ არც დავივიწყებთ და არც არასდროს ვაღიარებთ მისი ტერიტორიის მიმდინარე ოკუპაციას“, - წერს მარგუს ცაჰკნა.
17 წელი აგვისტოს ომიდან . რუსეთის აგრესიას საქართველოში 2008 წლის აგვისტოს ომში საქართველოს თავდაცვის სამინისტროს 170 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი ემსხვერპლა. დაჭრილ და დაშავებულ სამოქალაქო და სამხედრო პირთა რაოდენობა სულ 2 232-ს შეადგენდა, მათ შორის, 1045 პირი სამხედრო მოსამსახურეა.
მსგავსი სიახლეები
ევროკომისიაში განმარტეს, თუ რატომ გახდა ვიზალიბერალიზაციის საკითხებზე დიალოგის პირველი ჩანიშვნა აუცილებელი
ლამერტის განცხადებით, ბრიუსელის მიზანია იმ გარემოებების გამოსწორება, რომლებიც, ევროკავშირის შეფასებით, საქართველოს მიერ დემოკრატიისა და ფუნდამენტური უფლებების სფეროში აღებული ვალდებულებების დარღვევას უკავშირდება.