"ქართული ოცნების" პრემიერმინისტრი, ირაკლი კობახიძე თავს არიდებს ჟურნალისტების შეკითხვას - არის თუ არა ქვეყნის მტერი რუსეთი? 

შეკითხვა კობახიძეს შინდისის გმირების მემორიალთან დაუსვეს. 

კობახიძე იმეორებს რიტორიკას, რომ "2008 წელს ომი მიხეილ სააკაშვილის რეჟიმმა დაიწყო".

ირაკლი კობახიძე: "2008 წლის ომი დაიწყო სააკაშვილის რეჟიმმა. გაყალბებული გზით დარჩენილი პრეზიდენტის თანამდებობაზე და ამ გაყალბებული გზით დარცენილმა მოღალატემ, 2008 წელს შეასრულა დავალება და დაიწყო ომი". 

ჟურნალისტი: რუსეთი არის თუ არა ქვეყნის მტერი? 

ირაკლი კობახიძე: რუსეთს აქვს ოკუპირებული ჩვენი ტერიტორიების 20%-ი, ეს არის ჩვენი ერთ-ერთი უმთავრესი ეროვნული გამოწვევა და შესაბამისად მშვიდობიანი გზით საქართველოს ტერიტორიული მთლიანობის აღდგენა არის ჩვენი უმთავრესი ეროვნული ამოცანა" 

ჟურნალისტი: აგრესორი და მტერი არის თუ არა რუსეთი?

ირაკლი კობახიძე: "რუსეთმა განახორციელა ჩვენი ტერიტორიების ოკუპაცია, რა თქმა უნდა ვერანაირი ღალატი სააკაშვილის მხრიდან და "ნაცმოძრაობის" მხრიდან ვერ გაამართლებს და არ გაამართლებს იმ ოკუპაციას, რომელიც განხორციელდა რუსეთის მხრიდან"