გუსტავ გოტბერგი: „კრემლის მიერ დაფინანსებული და პუტინის მხარდაჭერილი დემოკრატიის დევნა საქართველოში გრძელდება“
კრემლის მიერ დაფინანსებული და პუტინის მიერ მხარდაჭერილი დემოკრატიის დევნა საქართველოში გრძელდება, - ასე ეხმიანება შვედეთის პარლამენტის და ევროპის საბჭოს საპარლამენტო ასამბლეის წევრი გუსტავ გოტბერგი ქართული არასამთავრობო ორგანიზაციების ანგარიშების დაყადაღებას. მისი თქმით, ეს "უსამართლო, მიუღებელი და მხდალი" ნაბიჯი იყო.
ყველას მზერა საქართველოზეა, - ამბობს გოტბერგი.
კრემლის მიერ დაფინანსებული და პუტინის მიერ მხარდაჭერილი დემოკრატიის დევნა საქართველოში გრძელდება. დღეს 7 სამოქალაქო ორგანიზაციის ანგარიშები გაიყინა დემოკრატიული მოძრაობის დემონტაჟის განზრახ მცდელობის ფარგლებში. მიუღებელი, უსამართლო და მხდალი. ყველას მზერა საქართველოზეა, - აცხადებს გუსტავ გოტბერგი.
შეგახსენებთ, რომ გუშინ თბილისის საქალაქო სასამართლომ, ვატო შაქარაშვილის ორგანიზაციის საჩივრის საფუძველზე და პროკურატურის შუამდგომლობით, 7 არასამთავრობო ორგანიზაციის საბანკო ანგარიშები დააყადაღა.
