დედაქალაქის მერობის კანდიდატი, კახა კალაძე, წინასაარჩევნო მიმართვას მის მთავარ ოპონენტს, ნიკა მელიას უძღვნის.

კალაძის განცხადებით, მისი კამპანია საქმეზე იყო ორიენტერბული, ოპონენტებისა კი - ზიზღსა და სიძულვილზე. 

სამწუხაროდ, არც ერთი ჩემი ოპონენტისგან საზოგადოებას არ მოუსმენია ერთი ფასეული წინადადება თბილისის განვითარების შესახებ. მთელი მათი კამპანია ხელისუფლების გადატრიალებაზე, არეულობის შექმნასა და ე.წ. რეფერენდუმზე იყო აგებული. მეორე ადგილზე გასულ კანდიდატს კი დღემდე ქვეყნის და ქალაქისთვის არასდროს არაფერი გაუკეთებია გარდა იმისა, რომ კერძო კომპანიებს აკოტრებდა, სახელმწიფო შენობებში შეჭრას ცდილობდა და გამუდმებით ხულიგნურ პროვოკაციებს აწყობდა  - ამბობს კალაძე.