სასახლის ღობის საქმეზე დაკავებული 5 პირის აღკვეთის ღონისძიების შეფარდების საქმეს მოსამართლე ლელა კალიჩენკო განიხილავს. 

• განიხილება იური ლომიძის, მარიამ მეყანწიშვილის, დავით გიუნაშვილის, თემურ ქურციკიძისა და გიორგი ტალახაძის საქმეები.
• გიორგი ტალახაძეს, დავით გიუნაშვილსა და იური ლომიძეს წარუდგინეს ბრალი ჯგუფურ ძალადობაში მონაწილეობის კვალიფიკაციით; თემურ ქურციკიძეს გარდა ჯგუფურ ძალადობაში მონაწილეობისა, ედავებიან სტრატეგიული ობიექტის ხელში ჩაგდების მცდელობაში; მარიამ მეყანწიშვილს ბრალად ედება ჯგუფური მოქმედების ორგანიზებაში.

იური ლომიძე ამბობს, რომ არ ეთანხმება ბრალდებას:  „იმედი მაქვს, განხილვის პროცესში ყველაფერი გაირკვევა“;

წაყენებული ბრალის შინაარს არ ეთანხმება თემურ ქურციკიძეც. 
დავით გიუნაშვილი, რომელიცხ სამაჩაბლოდან დევნილია ამბობს: „რუსებმა დამიწვეს სახლი და მაგ მოტივით ვაპროტესტებდი“;

გიორგი ტალახაძის თქმით,  არანაირ გადაცდომას არ ჰქონია მისი მხრიდან ადგილი;

მარიამ მეყანწიშვილმა აღნიშნა რომ არ ეთანხმება წაყენებულ ბრალს.