ხელბურთის ფედერაციის ყოფილ პრეზიდენტს, ზურაბ კაკაბაძეს აღკვეთის ღონისძიების სახით პატიმრობა შეეფარდა. გადაწყვეტილება მოსამართლე ნანა შამათავამ მიიღო.

დღევანდელ პროცესზე პროკურატურა დაკავებულის მიმართ პატიმრობის გამოყენებას ითხოვდა. დაცვის მხარემ გირაოს სანაცვლოდ გათავისუფლება მოითხოვა.

ხელბურთის ფედერაციის ყოფილი პრეზიდენტის დაკავების შესახებ განცხადება პროკურატურამ დღეს გააკეთა.

კაბაძეს პროკურატურა სახელმწიფოს კუთვნილი 464 496 ლარის უკანონოდ მითვისებას ედავება. დანაშაულის დამტკიცების შემთხვევაში კაკაბაძეს 7დან 11 წლამდე პატიმრობა ემუქრება.