დაკავებული მაღალჩინოსანი რომეო მიქაუტაძე სასამართლო სხდომაზე განაცხადა, რომ მის წინააღმდეგ მიმდინარეობს შეთქმულება, რომლის მიზანია მისი ბიზნესინტერესებთან კავშირის დამტკიცება. მისი თქმით, მოწმეები სასამართლოში საუბრობენ საკუთარ ინტერპრეტაციებზე, ხოლო ბრალდების მთავარი თეზისი, თითქოს ჰესების მშენებლობაზე ნებართვებს პირადად ის გასცემდა, მხოლოდ ვარაუდებზეა აგებული.

ეკონომიკის სამინისტროს თანამშრომელმა ზურაბ არველაძემ, რომელიც მიქაუტაძის დაქვემდებარებაში მუშაობდა, გამოძიებას განუცხადა, რომ ყოფილ მოადგილეს შესაძლოა ჰქონოდა ბიზნესინტერესები კომპანიებში „ნახიდური ჰესი“ და „ჯეოკრაფტი“.

საქმის კიდევ ერთმა ფიგურანტმა, მიქაუტაძის მეგობარმა კახა ქებურიამ, სასამართლოს უთხრა, რომ ექსპერემიერმა მისი პენსიონერი დედის სახელზე ფიქტიურად გადააფორმა წეროვანში მდებარე სახლი. ქებურიას თქმით, ის ფლობდა კომპანიას „მომავლის ენერგია“, სადაც მეწილე იყო მიქაუტაძის რძალი, თუმცა რეალური ფინანსური სარგებელი სავარაუდოდ თავად მიქაუტაძეს ჰქონდა. ქებურიამ აღნიშნა, რომ კომპანიის გაყიდვაში დახმარების სანაცვლოდ ყოფილ მაღალჩინოსანს 400 ათასი ლარი გადაუხადეს - ნაწილი საბანკო ანგარიშზე, ნაწილი ნაღდი ფულად.

მიქაუტაძის ადვოკატის თქმით, დეკლარირებული იყო თუ არა ეს შემოსავალი, ამ ეტაპზე დაზუსტებით უცნობია, თუმცა დამცველი ამტკიცებს, რომ მისი კლიენტი კანონსაწინააღმდეგო ქმედებაში ჩართული არ ყოფილა.

ვრცლად ნახეთ ნინო ღვედაშვილის რეპორტაჟში.