გიორგი თაბაგარის სამართალდამრღვევად ცნობა საშიში პრეცედენტის შემქმნელია - GDI
გიორგი თაბაგარის სამართალდამრღვევად ცნობა საშიში პრეცედენტის შემქმნელია - არასამთავრობო ორგანიზაცია, ,,საქართველოს დემოკრატიული ინიციატივა", თბილისი პრაიდის ხელმძღვანელის, გიორგი თაბაგარის, საქმეზე, თბილისის საქალაქო სასამართლოს მიერ გამოტანილ გადაწყვეტილებას აფასებს და განცხადებას ავრცელებს.
მიგვაჩნია, რომ სასამართლოს მიერ მიღებული გადაწყვეტილება ეწინააღმდეგება გამოხატვის თავისუფლების კონსტიტუციურ სტანდარტებს და ქმნის მომავალში აქტივისტების წინააღმდეგ კიდევ უფრო რეპრესიული პოლიტიკის გატარების საშიშ პრეცედენტს. მეტიც, იმ ფონზე, როდესაც 5 ივლისს განხორციელებული ძალადობის ორგანიზატორები დღემდე არ არიან პასუხისგებაში მიცემულნი, დაზარალებულთა სანქცირება საზოგადოებაში აგზავნის მესიჯს, რომ სახელმწიფო არა დაზარალებულების, არამედ სწორედ მოძალადეების მხარესაა, შესაბამისად ამით სახელმწიფო ახალისებს ძალადობას.. - ნათქვამია განცხადებაში.
საქმე ეხება 2021 წლის 5 ივლისს გიორგი თაბაგარსა და პოლიციელს შორის გამართულ სატელეფონო საუბარს, რა დროსაც პოლიციელი გიორგი თაბაგარს ძალადობის ეპიცენტრში, თბილისი პრაიდის ოფისში, მისვლას თხოვდა. აღნიშნულ საუბართან დაკავშირებით შსს გიორგი თაბაგარს ადმინისტრაციულ სამართალდარღვევათა კოდექსის 173-ე მუხლის დარღვევას ედავებოდა, რაც სამართალდამცავი ორგანოს წარმომადგენლის შეურაცხყოფას გულისხმობს. შინაგან საქმეთა სამინისტროს წარმომადგენელი 15 დღიანი ადმინისტრაციული პატიმრობის დაკისრებას ითხოვდა.
დღეს თბილისის საქალაქო სასამართლოს მოსამართლე ლელა ცაგარეიშვილმა განიხილა ადმინისტრაციული სამართალდარღვევის საქმე გიორგი თაბაგარის წინააღმდეგ. სასამართლომ გიორგი სამართალდამრღვევად ცნო, თუმცა პასუხისმგებლობისგან გაათავისუფლა და სიტყვიერი შენიშვნით შემოიფარგლა.
გიორგი თაბაგარის ინტერესებს სასამართლოში არასამთავრობო ორგანიზაცია GDI იცავს.
მსგავსი სიახლეები
რუმინეთის თავდაცვის სამინისტროს ცნობით, უკრაინის საზღვართან ფერმაში დრონის ფრაგმენტები აღმოაჩინეს
უწყების ცნობით, თავდაცვის სამინისტრო, ეროვნული თავდაცვის სისტემის, საზოგადოებრივი წესრიგისა და ეროვნული უსაფრთხოების სპეციალიზებულ სტრუქტურებთან ერთად მომხდარის გამოძიებას აწარმოებს.
დავაკვირდეთ, როგორი ოპოზიციონერი იქნება ბიძინა ივანიშვილი და ირაკლი კობახიძე - მანჯგალაძე
მანჯგალაძე გახარიას იმ განცხადებას ეხმაურება, სადაც ყოფილმა პრემიერმა დააანონსა, რომ "ოცნებას" ოქტომბრის არჩევნების შემდეგ ოპოზიციაში გადასვლა მოუწევს და რომ ივანიშვილი ოპოზიციის ლიდერი იქნება.