ჟენევაში, 11-12 ნოემბერს, კავკასიაში უსაფრთხოებისა და სტაბილურობის შესახებ საერთაშორისო დისკუსიების (МДЗ) 65-ე რაუნდი გაიმართა. ამის შესახებ ინფორმაციას რუსეთის საგარეო საქმეთა სამინისტრო ავრცელებს. 

• შეხვედრაში მონაწილეობას იღებდნენ დროებით ოკუპირებული აფხაზეთისა და ცხინვალის დე ფაქტო, მარიონეტული ე.წ. ხელისუფლების წარმომადგენლები, ასევე საქართველოს, რუსეთისა და აშშ-ის დელეგაციები, გაერო-ს, ეუთო-სა და ევროკავშირის თანათავმჯდომარეობით. 

შეხვედრის შემდეგ რუსეთის საგარეო საქმეთა სამინისტროს მიერ გამოქვეყნებულ ცნობაში აღნიშნულია, რომ რუსული მხარე საქართველოს ოკუპირებულ ტერიტორიებთან ძალის გამოუყენებლობის შეთანხმების დადებისკენ მოუწოდებს.

რუსეთის აღნიშნული ინიციატივა "ქართული ოცნების" განცხადებებს მოჰყვა.

• ბიძინა ივანიშვილმა წინასაარცევნო შეხვედრისას თქვა, რომ “ოს დებს და ძმებს” აგვისტოს ომისთვის ბოდიშს მოუხდიან. 

მონაწილეებმა დაამტკიცეს უცვლელი ერთგულება МДЗ-ის (საერთაშორისო დისკუსიები სამხრეთ კავკასიაზე) ფორმატის მუშაობის გაგრძელებისადმი. დღეისათვის, დისკუსიები რჩება ერთადერთ მრავალმხრივ მოლაპარაკებების მოედნად, რომელიც უზრუნველყოფს სოხუმისა და ცხინვალის მუდმივ პირდაპირ დიალოგს თბილისთან მათ შორის პოსტკონფლიქტური ურთიერთობის აღდგენის შესახებ. რუსულმა მხარემ ხაზი გაუსვა МДЗ-ის პრიორიტეტული მიზნების კონკრეტული ნაბიჯების სასწრაფოდ შემუშავების აუცილებლობას - აფხაზეთისა და სამხრეთ ოსეთის მტკიცე უსაფრთხოების უზრუნველყოფას საქართველოსა და ამ ორ რესპუბლიკას შორის ძალის გამოუყენებლობის იურიდიულად დამავალდებულებელი შეთანხმების მიღების გზით. კერძოდ, მისი გაფორმება გახდებოდა თბილისში გაჟღერებული აფხაზ და სამხრეთ ოსეთის ხალხთან შერიგების რიტორიკის პრაქტიკულ განხორციელებად," - წერია განცხადებაში. 

განცხადებაში რუსეთის ფედერაცია NATO-ს საქართველოს "ათვისების" მცდელობაში ადანაშაულებს და წერს, რომ "გარედან ისმის საქართველოსადმი მოწოდებები, სამხედრო ძალის გამოყენებით დაიბრუნონ "გამოყოფილი რეგიონები".

მსგავსი ნაბიჯის აქტუალურობა იზრდება იმ ფონზე, როცა გარედან ისმის საქართველოსადმი მოწოდებები, სამხედრო ძალის გამოყენებით დაიბრუნონ "გამოყოფილი რეგიონები", ასევე NATO-ს მხრიდან ამ ქვეყნის "ათვისების" დაუფარავი გეგმების, მათ შორის, მის ტერიტორიაზე ალიანსის სწავლებებისა და სხვა სამხედრო-საწვრთნელი ღონისძიებების ფონზე," - ვკითხულობთ განცხადებაში. 

ამასთან, რუსეთის საგარეო საქმეთა სამინისტრო საქართველოს მიერ გაეროში ყოველწლიურად წარდგენილ რეზოლუციას "ჰუმანიტარული მოლაპარაკებების პროცესის მთავარ დაბრკოლებად" მოიხსენიებს. 

ჰუმანიტარული მოლაპარაკებების პროცესის მთავარ დაბრკოლებად რჩება გაეროს გენერალური ასამბლეის უაღრესად პოლიტიზირებული რეზოლუცია იძულებით გადაადგილებულ პირთა და ლტოლვილთა შესახებ, რომელსაც საქართველო ყოველწლიურად წარადგენს და რომელიც გეოპოლიტიკურ რეალობებს უგულებელყოფს. აღნიშნული პრობლემის განხილვა არსებული შეთანხმებებისა და МДЗ-ის გარდა სხვა ფორმატების დარღვევით, სოხუმისა და ცხინვალის მონაწილეობის გარეშე, შეუძლებელს ხდის მის განხილვას МДЗ-ის ფორმატში," - ნათქვამია განცხადებაში. 

განცხადების მიხედვით, შვეიცარიამ ნეიტრალური სტატუსი დაკარგა, რის გამოც მოსკოვი მიიჩნევს, რომ შეხვედრები ჟენევიდან სხვა ადგილას გადაიტანონ. 

იმის გათვალისწინებით, რომ შვეიცარიამ დაკარგა დეკლარირებული ნეიტრალური სტატუსი ევროკავშირის უკანონო ანტირუსული სანქციების დაცვის გამო, მოსკოვი, სოხუმისა და ცხინვალის მხარდაჭერით, მიიჩნევს, რომ აუცილებელია იძულებით გადაადგილებულ პირთა შეხვედრის შეხვედრების ჟენევიდან სხვა ადგილას გადატანა, რომელიც ნამდვილად ნეიტრალური და ყველა მონაწილისთვის მისაღები იქნება," - წერია განცხადებაში. 

ჟენევის დისკუსიების მორიგი რაუნდი მომდევნო წლის მარტში ჩატარდება.