საქართველოს პრემიერ-მინისტრი ირაკლი ღარიბაშვილი არ ადასტურებს მედიაში გავრცელებულ ინფორმაციას, რომლის მიხედვითაც აჭარის მთავრობის მეთაური, თორნიკე რიჟვაძე თანამდებობიდან მიდის. 

მისი თქმით, რიჟვაძე "წარმატებული მმართველი, ეფექტური მენეჯერი და "ქართული ოცნების" გუნდის წევრია".

აბსოლუტურად გაუგებარი და ყოველგვარ საფუძველს მოკლებულია ოპოზიციის მხრიდან გაკეთებული ეს დღევანდელი აჟიოტაჟი. არ შეიძლება ამაზე სერიოზული კომენტარი გავაკეთო. ეს არის აბსურდი", - განაცხადა ირაკლი ღარიბაშვილმა.