მუნიციპალური განვითარების ფონდმა არსენალის მთაზე სამთავრობო ქალაქის გენერალური გეგმისა და ესკიზური პროექტების მომზადების მომსახურების სახელმწიფო შესყიდვა შეწყვიტა, - ინფორმაციას გამოცემა “ნეტგაზეთი“ ავრცელებს.

საკონკურსო კომისიის ოქმის თანახმად, კონკურსის შეწყვეტა ტექნიკური დავალების გადასინჯვის საჭიროებითაა განპირობებული.

კონკურსი 2026 წლის 9 იანვარს გამოცხადდა და ამ დროისთვის წინადადებები წარდგენილი ჰქონდა 6 კომპანიას. გამოცხადებული ტენდერის მიხედვით, უნდა მომხდარიყო სამთავრობო ქალაქის გენერალური გეგმისა და ესკიზური პროექტების მომზადების მომსახურების შესყიდვა.

„ქართული ოცნება“ პერიოდულად განიხილავს პარლამენტის და სამინისტროების არსენალის მთაზე გადატანას და არსებული შენობების გასხვისებას.