საქართველო იმ ქვეყნების სიას შეუერთდა, რომლებიც ტრანსნაციონალური რეპრესიების პრაქტიკას იყენებენ — ამის შესახებ Freedom House-ის ახალ ანგარიშშია საუბარი.

დოკუმენტის მიხედვით, იმ სახელმწიფოების ჩამონათვალს, რომლებიც მსგავს მეთოდებს მიმართავენ, კიდევ ექვსი ქვეყანა დაემატა: ავღანეთი, ბენინი, საქართველო, კენია, ტანზანია და ზიმბაბვე.

“გასულ წელს მთავრობები მთელი მსოფლიოს მასშტაბით კლავდნენ, თავს ესხმოდნენ, იტაცებდნენ, ემუქრებოდნენ და ავიწროებდნენ კრიტიკოსებს მათ საზღვრებს მიღმა. Freedom House-მა წლის განმავლობაში ფიზიკური, პირდაპირი ტრანსნაციონალური რეპრესიების 126 ახალი შემთხვევა დააფიქსირა, რამაც ჩვენს მონაცემთა ბაზაში, 2014 წლიდან 2025 წლამდე, შემთხვევების სრული რაოდენობა 1,375-მდე გაზარდა.

დამნაშავე მთავრობათა რაოდენობა გაიზარდა. ექვსი ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე - იდენტიფიცირებულ იქნენ, რომ იყენებენ ტრანსნაციონალურ რეპრესიებს. 2025 წლის მონაცემებით, როგორც მინიმუმ 54 მთავრობას, რაც მსოფლიოში ქვეყნების მეოთხედზე მეტს შეადგენს, უცდია საზღვარგარეთ განსხვავებული აზრის გაჩუმება", - ნათქვამია ანგარიშში.