ევროპული პოლიტიკური გაერთიანებების მე-8 სამიტზე ლიდერების საერთო ფოტოს გადაღებისას უკრაინის პრეზიდენტმა ვოლოდიმირ ზელენსკიმ „ქართული ოცნების“ მთავრობის პრემიერ-მინისტრს, ირაკლი კობახიძეს ხელი ჩამოართვა - ფოტოს საქართველოს მთავრობის ფეისბუკ-გვერდი აქვეყნებს.

სომხეთის დედაქალაქ ერევანში  „ევროპის პოლიტიკური საზოგადოების“ (EPC) სამიტი მიმდინარეობს, რომელსაც ევროკავშირის, წევრი ქვეყნების, რეგიონის ქვეყნებისა და, ასევე, ბრიტანეთისა და კანადის პირველი პირები ესწრებიან.

სამიტის თანათავმჯდომარეები არიან პრემიერ-მინისტრი ნიკოლ ფაშინიანი და ევროპული საბჭოს პრეზიდენტი ანტონიუ კოშტა.