მიხეილ სააკაშვილის კოვიდტესტის პასუხი ცნობილია. მესამე პრეზიდენტს კორონავირუსი არ დაუდასტურდა. ინფორმაციას პენიტენციური სამსახური ავრცელებს.

"საზოგადოების მაღალი ინტერესის გათვალისწინებით, გაცნობებთ, რომ მსჯავრდებულ მ. სააკაშვილის ჩატარებული PCR ტესტის შედეგად კოვიდ-19 არ დაუდასტურდა.

ინფორმაციისთვის, მიუხედავად იმისა, რომ მსჯავრდებულ მ.სააკაშვილს დაწესებულების სხვა მსჯავრდებულებთან შემხებლობა არ აქვს და მისი უსაფრთხოება მაქსიმალურად დაცულია, პრევენციის მიზნით, დღეს 15 ნოემბერს მ. სააკაშვილს, PCR ტესტირება ჩაუტარდა და პასუხი უარყოფითია." - ნათქვამია ინფორმაციაში.

ტესტის ჩატარება მას შემდეგ გახდა საჭირო, რაც  გლდანის ციხის N18 სამკურნალო დაწესებულების ხელმძღვანელს დავით დარასელიას კორონავირუსი დაუდასტურდა.