ძალიან სამწუხაროა, რომ საფრანგეთის საკანონმდებლო ორგანოს ქვედა პალატამ და ზოგადად, საკანონმდებლო ორგანოში 750-ზე მეტი წევრია, ამ სხდომას 96 ესწრებოდა და იქიდან მხოლოდ 68 ანუ 10%-მა მისცა ამ რეზოლუციას ხმა, აც კიდევ ერთხელ მიუთითებს, რომ ეს იყო მიზანმიმართული ქმედება და ძლივს შეაგროვეს ის რაოდენობა, შეარჩიეს ისეთი დრო და მომენტი, რომ არც უმრავლესობა წაროჩენილიყო. სამწუხაროა, რომ ამ პროცესებს ხელმძღვანელობდა მათ შორის სალომე ზურაბიშვილი. ჩვენ არაერთი რეზოლუცია გვინახავს მათ შორის ევროპარლამენტის, რომელსაც არანაირი პრაქტიკული შედეგი არ მოჰყოლია, თუმცა დაველოდოთ, როგორ განვითარდება მოვლენები, - ამბობს ლადო ბოჟაძე.  

საფრანგეთის ეროვნულმა ასამბლეამ "ქართული ოცნების" წინააღმდეგ რეზოლუცია დაამტკიცა - რეზოლუციას მხარი 68 დეპუტატმა დაუჭირა და 28 კი წინააღმდეგი იყო.  დოკუმენტის ავტორი, რომელიც საფრანგეთის მთავრობას მოუწოდებს, თავის პარტნიორებთან ერთად ევროკავშირში, განიხილოს ინდივიდუალური სანქციების დაწესება "ქართული ოცნების" წევრებისთვის, საფრანგეთის პრეზიდენტ ემანუელ მაკრონის გუნდის წევრი კონსტანს ლე გრიპია.  რეზოლუცია "გმობს საქართველოს მთავრობის ავტორიტარულ მიმართულებას, ფუნდამენტური უფლებების დარღვევას, შეზღუდვებს გამოხატვისა და შეკრების თავისუფლებაზე, და მშვიდობიანი დემონსტრანტების წინააღმდეგ არაპროპორციული ძალის გამოყენებას." რეზოლუციაში ფრანგი დეპუტატები ივანიშვილის გუნდის წევრებისთვის არა მხოლოდ ევროკავშირის ტერიტორიაზე შესვლის აკრძალვას, არამედ აქტივების გაყინვასაც ითხოვენ.