სასახლის ღობის საქმეზე ბრალდებული პირებიდან საპროცესო შეთანხმება კიდევ 6 პირს უფორმდება - ამის შესახებ დღეს გამართულ სასამართლო პროცესზე გაირკვა. 

ჩამოთვლილი 6 პირის საქმე ცალკე წარმოებად გამოეყო. ბრალდებულები სხდომათა დარბაზიდან მას გათავისუფლდებიან, რაც სასამართლო მხარეებს შორის მიღწეულ საპროცესო შეთანხმებას დაამტკიცებს.

ყველა მათგანს პროკურატურა საპროცესო შეთანხმებას 3-წლიანი პირობითი მსჯავრით უფორმებს.

ბრალდებული 14 პირიდან საპროცესო შეთანხმება ამ ეტაპზე უფორმდებათ შემდეგ ბრალდებულებს:

1. გიორგი რურუას,
2. ლაშა ივანაძეს 
3. გიორგი ქორქიას,
4. ხვიჩა გოგოხიას,
5. ლევან ჯიქიას,
6. სერგო მეგრელიშვილს.

საპროცესო შეთანხმება არ უფორმდებათ შემდეგ პირებს, ისინი ბრალს არ აღიარებენ:

1. ვლადიმერ გველესიანს,
2. ზურაბ ჭავჭანიძეს,
3. ანტონ ვარდანიძეს,
4. ამირან დოლიშვილს,
5. სულხან ტუღუშს, 
6. ალექსანდრე ჩილაჩავას,
7. გენადი კუპრეიშვილს,
8. რამაზ მამულაძეს.

4 ოქტომბერს განვითარებულ მოვლენებთან დაკავშირებით საერთო ჯამში სისხლისსამართლებრივ პასუხისგებაში 64 პირი მიეცა. ამ ეტაპზე საპროცესო შეთანხმება 21 პირს უფორმდება.

შენიშვნა: ფოტო - ტაბულა