ევროპის საბჭოს მინისტრთა კომიტეტი საქართველოს ხელისუფლებას მოუწოდებს, საფუძვლიანად გადახედოს შესაბამის კანონმდებლობას და პრაქტიკას, და შეუსაბამოს ისინი კონვენციის სტანდარტებს. შესაბამისი გადაწყვეტილება ევროპის საბჭოს ვებგვერდზე გამოქვეყნდა.

გადაწყვეტილება "მაქარაშვილი და სხვები საქართველოს წინააღმდეგ" საქმეზე ევროპული სასამართლოს გადაწყვეტილების აღსრულების მონიტორინგის ფარგლებში გამოქვეყნდა.

[დეპუტატებმა] იმის უზრუნველყოფის მნიშვნელობისადმი კიდევ ერთხელ ხაზის გასმის შემდეგ, რომ შეკრების თავისუფლებაში ნებისმიერი ჩარევა იცავდეს კანონიერების, აუცილებლობისა და პროპორციულობის პრინციპებს, ღრმა შეშფოთებით აღნიშნეს საკანონმდებლო და აღსრულების ზომები, რომლებიც შეკრების თავისუფლების განხორციელებაზე შემაფერხებელ ეფექტს ქმნის;

[დეპუტატებმა] მიუწოდეს ხელისუფლებას, საფუძვლიანად გადახედოს შესაბამის კანონმდებლობას და პრაქტიკას, და შეუსაბამოს ისინი კონვენციის სტანდარტებს, არაპროპორციული და უკანონო ადმინისტრაციული დაპატიმრება/დაკავებისა და გამამტყუნებელი განაჩენის თავიდან ასარიდებლად, მათ შორის სისხლის სამართლის გამამტყუნებელი განაჩენის, გადაჭარბებული ჯარიმების, და სასამართლო პროცესების საერთო სამართლიანობის უზრუნველსაყოფად; მოუწოდეს მათ, რომ ჩაერთონ არსებით კონსულტაციებში შესაბამის დაინტერესებულ მხარეებთან და ევროპის საბჭოს ექსპერტულ ორგანოებთან," - წერია განცხადებაში. [თარგმანი: Ipn.ge]