„დროას“ ლიდერის, ელენე ხოშტარიას  ექიმის, ვახტანგ კალოიანის განცხადებით, ხოშტარიას გადაწყვეტილება შიმშილობის მე-17 დღეს მედიკამენტოზურ მკურნალობაზე უარის თქმის შესახებ ძალიან სახიფათოა.

კალოიანმა ამის შესახებ  ხოშტარიას განცხადების შემდეგ, სოციალურ ქსელში დაწერა.

შიმშილობის მე - 17 დღეს ეს გადაწყვეტილება [მედიკამენტოზურ მკურნალობასა და გადასხმებზე უარის თქმა] ძალიან სახიფათოა. საუბარია „თიამინზე“ და იმ მინიმალურ სითხეებზე, რომელსაც ის იღებდა კეტოზის ოდნავ შესამცირებლად“, - წერს კალოიანი.

 „დროას“ ლიდერი, ოპოზიციონერი დეპუტატი ელენე ხოშტარია მე-17 დღეა შიმშილობს. ხოშტარიას თქმით,  ის  აჩერებს მედიკამენტოზურ მკურნალობას, სანამ არ გადაიყვანენ მიხეილ სააკაშვილს სამოქალაქო მულტიპროფილურ კლინიკაში.