ჯანდაცვის მინისტრი, ეკატერინე ტიკარაძე, მიხეილ სააკაშვილის გორის სამხედრო ჰოსპიტალში გადაყვანის მიზეზად "შიმშილობის ეპიდემიას" ასახელებს.

"ტვ პირველის" კითხვაზე, რატომ დასჭირდა ხელისუფლებას  50 დღე გადაწყვეტილების მისაღებად, მინისტრმა თქვა, რომ მოშიმშილეების მდგომარეობა დამძიმდა:

ბოლო პერიოდში სახეზე მივიღეთ შიმშილობის ეპიდემია, რომელიც ნამდვილად იყო დაუშვებელი მიუხედავად იმისა, რომ ვცდილობდით, ყველასთვის მიგვექცია ყურადღება, ბევრი დეპუტატის მდგომარეობა გაუარესდა" - აცხადებს ეკატერინე ტიკარაძე.