საქართველოს მეხუთე პრეზიდენტი ჟურნალისტის, ვახო სანაიას დაკავებას ეხმიანება და მას სრულ სოლიდარობას უცხადებს. ამის შესახებ სალომე ზურაბიშვილმა "TV პირველის" ეთერში ისაუბრა. 

მისი თქმით, როდესაც "რეჟიმი დასრულდება", გავიხსენებთ, რომ ამ სიმბოლურ დღეს, "დაიწყო რეჟიმის დამთავრების პერიოდი". 

სალომე ზურაბშვილი აღნიშნავს, რომ "სქროლვა-სქრინვის" სააგენტო არის ძალიან გაფაციცებული და ყველგან ეძებს კიდევ ვინ შეიძლება დააჯარიმონ, თუ დააკავონ".

ეს ფორმა არის უკვე ერთი ნაბიჯი იმ 1984 წელს რომ აღწერდა ორველი და ამ ფორმის რეჟიმების ფორმა არის. მე მგონი, რომ როცა, მალე, დასრულდება ეს რეჟიმი დავიმახსოვრებთ და გავიხსენებთ იმას, რომ ალბათ ეს დღე არის სიმბოლური დღე, როცა დაიწყო მისი [რეჟიმის] დამთავრების პერიოდი. თანმდევი ბევრია ამ პერიოდში, მაგრამ ეს უკვე ნიშნავს, რომ გამოსული არიან წყობიდან. სხვათა შორის, ის, რაც ხდება დღეს Facebook-ზე და ეს ყველაფერი, ალბათ, იმის ნიშანია, რომ "სქროლვა-სქრინვის" სააგენტო არის ძალიან გაფაციცებული და ყველგან ეძებს კიდევ ვინ შეიძლება დააჯარიმონ, თუ დააკავონ და ა.შ.. 

მართლა ვართ რაღაც სხვა ეტაპზე გადასული, რომელიც არაფერში აღარ ჯდება და ესეც ვერ დააშინებს მოქალაქეებს, მით უმეტეს ჟურნალისტებს, ვნახეთ, ვახო სანაიას მანამდე განცხადება და მე დარწმუნებული ვარ, რომ მისი პოზიცია იგივეა, როცა არის დაკავებული და მას მინდა გამოვუცხადო ჩემი სრული სოლიდარობა და ზოგადად ქართულ მედიას, რომელიც ძალიან რთულ პერიოდს გადის, მაგრამ ჩვენ ერთად გავიმარჯვებთ. [...]

ეს გადაწყვეტილება ალბათ გაჰყვებათ ბოლომდე და გაჰყვებათ იმ დასასრულში, რომელიც ელით ძალიან მალე," - განაცხადა სალომე ზურაბიშვილმა. 

ანა წერეთლის "დღის ამბებში" საქართველოს მეხუთე პრეზიდენტმა ასევე აღნიშნა, რომ "რეჟიმი, იმისთვის, რომ ეს პროტესტი გააჩუმოს, იძულებული ხდება, რუსთაველი გადაკეტოს".  

შეგახსენებთ, თბილისის საქალაქო სასამართლომ პარლამენტის თავმჯდომარის, შალვა პაპუაშვილისა და დეპუტატ ვლადიმერ ბოჟაძის შესახებ სოციალურ ქსელში დაწერილი პოსტის გამო ჟურნალისტ ვახო სანაიას 14-დღიანი ადმინისტრაციული პატიმრობა შეუფარდა.