მოსამართლეობის კანდიდატის თქმით, თუ პროცესზე სააკაშვილი მოსამართლეებზე გავლენას აღიარებდა, საუბარს შეაწყვეტინებდა

25.11.21 15:18
მოსამართლეობის კანდიდატის თქმით, თუ პროცესზე სააკაშვილი მოსამართლეებზე გავლენას აღიარებდა, საუბარს შეაწყვეტინებდა

,,დამოუკიდებელი იურისტების ჯგუფის" წარმომადგენელიმა იურისტმა, კახა წიქარიშვილმა, იურიდიულ საკითხთა კომიტეტზე უზენაესი სასამართლოს მოსამართლეობის კანდიდატ გენადი მაკარიძეს ჰკითხა, დაინტერესდა, თუ რა რეაქცია ექნებოდა მიხეილ სააკაშვილისგან სასამართლო პროცესზე მოესმინა, რომ სააკაშვილის მმართველობის დროს მოსამართლეები გადაწყვეტილებებს თავმჯდომარის, მიხეილ ჩინჩალაძისა და იუსტიციის მინისტრის გავლით ათანხმებდნენ.

 გენადი მაკარიძემ უპასუხა, ის სასამართლო პროცესზე მსგავსი განცხადების წარმოთქმისას მხარეს გამოსვლას შეაწყვეტინებდა.

„თქვენი აზრით, მიხეილ სააკაშვილი როცა მივა პროცესზე, 29-ში ხომ არის ჩანიშნული და რომ თქვას, მინდა ვისაუბრო სიმართლე, ჩვენი სასამართლოს შესახებ, როგორ შეიქმნა ჩვენი სასამართლო სისტემაო და თქვას ასეთი რამ: მინდა, გითხრათ ჩვენი სასამართლო სისტემა 2012 წლამდე როგორ მუშაობდა, სტრუქტურა იყო ასეთი - მოსამართლე მიდიოდა თავმჯდომარესთან, მასთან ათანხმებდა გადაწყვეტილებას, თავმჯდომარე მიხეილ ჩინჩალაძესთან, ის ზურაბ ადეიშვილთან და ზურაბ ადეიშვილი კი ჩემთანო. ასე მუშაობდა ეს ჩვენი სასამართლო სისტემაო. მიხეილ სააკაშვილმა რომ ეს პროცესზე თქვას, თქვენ რაიმე პრობლემას ან შინაგან დისკომფორტს შეგიქმნით ეს განცხადება? დაეთანხმებით? არ დაეთანხმებით? იტყვით, რომ ეს არის სისულელე და ეს ჩვენთან არ ხდებოდაო? ასევე, ეთანხმებით თუ არა გიორგი ვოლსკის განცხადებას, რომ 2012 წლამდე სასამართლო მიწასთან გასწორებული იყოო?“-  თქვა კახა წიქარიშვილმა.

მაკარიძემ წიქარიშვილს უპასუხა რომ, ის პროცესზე დამსწრე მხარისგან იმ პოზიციის დაფიქსირებას არ უშვებს, რომელიც საქმის განხილვას არ შეესაბამება.

მე ვარ მოქმედი მოსამართლე და როდესაც იმ თემაზე არის საუბარი, რომელიც საქმის განხილვას არ შეესაბამება, როგორც ვიქცევი? ვაწყვეტინებ მხარეს. რაც შეეხება გიორგი ვოლსკის განცხადებას, მე 2012 წლამდეც ვიყავი სასამართლოში, არ ვიყავი მოსამართლე, მაგრამ ვიყავი კანცელარიაში, არქივში ვმუშაობდი, სხდომის მდივნად. ასეთ შეფასებას ვერ მივიღებ,“- განაცხადა მაკარიძემ.

მსგავსი სიახლეები