საქართველოს მესამე პრეზიდენტმა, მიხეილ სააკაშვილმა სასამართლო პროცესზე სახალხო დამცველს, ნინო ლომჯარიას მადლობა გადაუხადა. სააკაშვილის შეფასებით, ომბუდსმენის კონსილიუმმა პრინციპულობა გამოიჩინა. 

რომ არა ლომჯარიას გამბედაობა და მისი კონსილიუმის პრინციპულობა, მე ცოცხალი არ ვიდგებოდი თქვენ წინაშე, მან ცენტრ "ემპათიასთან" ერთად, გადაარჩინა არამხოლოდ ჩემი სიცოცხლე, არამედ ელენე ხოშტარიასი, რომლის დიდი მადლობელი ვარ და უამრავი სხვა მოშიმშილის.

მადლობელი ვარ ნიკა მელიასი, რომელიც არ წამოეგო პროვოკაციას, რომელიც მაშინ ეწყობოდა ჩემ გლდანში ყოფნასთან დაკავშირებით, დიდი მადლობა "ნაციონალურ მოძრაობას", - თქვა მიხეილ სააკაშვილმა.