პატიმრობაში მყოფი სამოქალაქო აქტივისტი, საბა სხვიტარიძე შეწყალებასთან დაკავშირებით საზოგადოებაში არსებულ დისკუსიას ციხიდან გამოგზავნილ წერილით ეხმიანება. 

მისი შეფასებით, მმართველ პარტიას  შეწყალება ორი რამის გამო სჭირდება: "ერთი პროპაგანდისტულად თქვან, რომ ტყუილად არავინ დაუჭერიათ. მეორე - სტრასბურგში აღიარება ეჭიროთ ხელში".

„ქართულ ოცნებას“ აღიარება და შეწყალება ორი რამის გამო სჭირდება: 
ერთი პროპაგანდისტულად თქვან, რომ ტყუილად არავინ დაუჭერიათ.
მეორე სტრასბურგში აღიარება ეჭიროთ ხელში.

მოდით, ნუ დავამუნათებთ მათ, ვინც შეწყალება მოითხოვა. მერწმუნეთ, ციხეში ყოფნა მარტივი არ არის. თუ რამე უნდათ ქოცებს, ეს არის პოლიტიკური პატიმრების გაშავება და ნუ შევუწყობთ ამაში ხელს.

რაც შეგვეხება ჩვენ, ვინც შეწყალებაზე ხელი არ მოვაწერეთ ნუ გვეუბნებით, რომ ხელი მოვაწეროთ აღიარებას. ეს ჩვენი არჩევანია, ჩვენი პირადი ბრძოლაა საერთო საქმისთვის და მოგვეცით უფლება, თავად ავირჩიოთ, ბრძოლის რა გზას გავყვებით.

ეს გადაწყვეტილება ჩვენ არავის გამო არ მიგვიღია, ეს პირადი ღირსების საკითხია.
სხვისი ბრძოლის გზის განხილვასა და კრიტიკას სჯობს, ყველამ ჩვენი საბრძოლველი ვიბრძოლოთ და საერთო საქმისთვის ერთი აგური მაინც დავდოთ. თანამებრძოლების კრიტიკა მხოლოდ ჩვენ დაგვაზარალებს.

გათავისუფლებას ვულოცავ ბიჭებს და წარმატებას ვუსურვებ. მე მხოლოდ ის მიხარია, რომ ბიჭები ციხიდან გამოვიდნენ. ერთად ბოლომდე!"- წერს სხვიტარიძე.