ფარცხალაძე „ქართული ეროვნული ლეგიონის“ მებრძოლებს ემუქრება
საქართველოს ყოფილი გენერალური პროკურორი ოთარ რომანოვ-ფარცხალაძე „ქართული ეროვნული ლეგიონის“ მებრძოლებს ემუქრება.
„ქართული ეროვნული ლეგიონის“ მებრძოლები სამხედრო დამნაშავეები არიან, - განუცხადა რუსეთის ჯაშუშობისთვის დასანქცირებულმა, ძებნილმა ფარცხალაძემ რუსულ სახელმწიფო გამოცემა TASS-სს.
„მათ მიმართ ჩემი დამოკიდებულება ცალსახაა. ისინი სამხედრო დამნაშავეები არიან, რომლებიც აუცილებლად აგებენ პასუხს თავიანთ ქმედებებზე და რუსეთის ფედერაციის კანონების შესაბამისად გასამართლდებიან“, - აცხადებს ოთარ რომანოვ-ფარცხალაძე.
აშშ-ის მიერ სანქცირებულმა საქართველოს ყოფილმა გენერალურმა პროკურორმა ოთარ ფარცხალაძემ რუსეთის მხარეს მებრძოლი მოხალისეთა დანაყოფი "გეორგიევსკი" შექმნა.
